Во март 2026, Првото претседателство најави промени во распоредот на часови за Неделната Средби. Овие најнови промени имаат за цел да ги поддржат поединците и семејствата додека учат, му се восхитуваат и служат — во домот и во црква. Заедно, овие промени создаваат едноставни и осмислени начини да се приближиме до Небесниот Отец и Исус Христос и да се чувствуваме поблиски со Нив и едни со други.
На оваа страница:
Кога членовите се поклонуваат, учат и служат заедно, тие ќе најдат радост, ќе стекнат сила и ќе ги почувствуваат Господовите благослови во своите животи и домови.”
—Првото Претседателство
Што се менува?
Почнувајќи од првата недела на септември 2026, распоредот на часови за Неделните средби ќе се промени. Овие промени се наменети да им помогнат на членовите:
- Да се фокусираат што повеќе на Исус Христос
- Да го зајакнат евангелското учење дома.
- Да го зајакнат другарството, чувството на припадност и заедништвото во црквата.
Во прилагодениот распоред, Неделната Школа, Здружение за Помош, кворумите на старешини и часовите за Млади Жени ќе се одржуваат секоја недела, со скратени часови. Часовите за Основно ќе продолжат да се одржуваат еднаш неделно. Ќе биде претставена нова наставна програма за кворумите на Ароново свештенство и за часовите за Млади Жени.
Сакраментални Средби
- Трае до 60 минути.
- Повикува на активно учество за време на богослужбата.
- Сакраменталната средба е време на радост, почит и топло прифатено братство и сестринство фокусирано на Исус Христос.
Неделна Школа
- 25 минути.
- Започнува по петминутното префрлање од сакраменталната средба.
- Проучете ги светите писма користејќи го Дојдете, Следете Ме—За Дома и за во Црква.
Кворум на Старешини и Здружение за Помош
- 25 минути.
- Почнува по 5-минутното префрлање од сакраменталната средба.
- Проучувајте ги пораките од последната генерална конференција додека дискутирате како да ги примените пораките во секојдневниот живот.
Кворуми на Ароново Свештенство и часови за Млади Жени
- 25 минути.
- Почнува по 5-минутното префрлање од Неделна Школа.
- Искоритете го ажурираниот водич За силата на Младите: Водич за носење одлуки, со дополнителен материјал од списанието За силата на младите .
Основно
- 55 минути.
- Почнува по пет минутното префрлање од сакраменталната средба.
- Вклучете време за пеење како и часовно проучување користејќи го прирачникот Дојдете, Следете Ме—За дома и за во Црква.
Клучеви за успех
Како што членовите ги применуваат овие промени, тие се приближуваат до Спасителот и меѓусебно. Еве неколку клучеви за успех:
Преминувања
- Нека префрлувањето трае кратко. Водачите, предавачите и родителите можат да помогнат децата и младите да стигнат на час брзо.
- Иако љубезноста и љубовта треба да се покажуваат во секое време, повеќето друштвени разговори се случуваат пред и по службата, а не за време на периодите на префрлување.
Средби и часови
- Сакраменталните средби траат 60 минути или пократко. Претседателствата на епископија треба да се погрижат ова да се случува секоја недела. Слично на тоа, предавачите од Неделна школа треба да ги завршат часовите навреме за да можат младите и возрасните брзо да преминат на следниот час.
- Неделните часови се замена за проучување на евангелието дома. Осмислените, дискусии кои имаат врска со евангелието се поважни отколку да се покрие целиот материјал во една лекција.
Нова наставна програма за млади
- Охрабрете ги младите, родителите, и водачите да се запознаат со новата неделна програма за млади со тоа што ќе го прочитаат ажурираниот водич За силата на младите и ќе се претплатат за списанието За силата на младите . Се нуди една бесплатна претплата по домаќинство.
Додека младите ги проучуваат и живеат според принципите од оваа наставна програма, тие ќе:
- Станат доживотни ученици на Исус Христос со цврсто разбирање за Неговото евангелие.
- Бидат подготвени за обдарување преку стекнување подлабоко разбирање на свештенските обреди и заветните ветувања.
- Бидат подготвени за мисија, со желба да му служат на Господа.
- Бидат фокусирани на нивното идно семејство, со разбирање дека бракот помеѓу некој маж и жена е ракоположен од Бога и дека семејството е во фокусот на планот на Отецот.
- Знаат дека Исус Христос е нивната сила.
Ресурси за Водачи и Семејства
За силата на младите: Водич за носење одлуки
Ажурирано издание на За силата на младите: Водич за Носење Одлуки сега е достапен во Евангелска Библиотека. Оваа нова верзија вклучува 12 поглавја со месечен распоред за изучување за млади луѓе. Примероци во печатена форма ќе бидат испратени до единиците во наредните недели.
Почнувајќи од 6 септември 2026, овој водич ќе биде основата за наставната програма за млади мажи и млади жени секоја недела. Дополнителна поддршка ќе биде понудена преку списанието За силата на младите , почнувајќи од септемвриското издание.
За силата на младите Списание
Млади жени, млади мажи, родителите и водачите се охрабруваат да се претплатат за списанието For the Strength of Youth без надоместок. (Претплатите сед ограничуваат на една по домаќинство) Дополнителни примероци можат да се купат на store.ChurchofJesusChrist.org или во продавници на мало каде што постојат.
Тековните и минатите примероци од изданијата на списанието за млади се достапни и дигитално на списанија.ЦркватаНаИсусХристос.org или во апл Евангелска Библиотека.
Претплатете се за списанието For the Strength of Youth без надоместок.
Пријавете се за да добиете печатен примерок на списанието For the Strength of Youth за вашето домаќинство. Вашата претплата вклучува нова неделна наставна програма за млади и е целосно бесплатна. Исто така се нуди дигитална достава.
Претплатете се сега
Поучни Видео записи
Видео записи со поуки ќе бидат понудени во август 2026 година.
Најчесто поставувани прашања
