Претседателот Расел М. Нелсон поучува дека „како корисници на божественото Создавање, што треба да направиме? Треба да се грижиме за земјата, да бидеме мудри управители над неа, и да ја сочуваме за идните генерации. И треба меѓусебно да се сакаме и да се грижиме“.
Црквата на Исус Христос на Светците од Подоцнежните Дни настојува да го следи овој пророчки совет преку одговорно управување на сите места кадешто оперира Црквата ширум светот, кои ги вклучуваат просториите за средби, храмовите, фармите, објектите за благосостојба и едукација. Многу програми работат со децении. Други се развиени неодамна, бидејќи новите технологии и можности станаа достапни.
За да ги води напорите за одржливост во широкиот спектар на нејзини активности, Црквата идентификува неколку главни приоритети, вклучувајќи ги следните:
Прифаќање на обновливата енергија. Црквата има соларни системи на локацијата од 1986; а од ноември 2024, над 750 градби во сопственост на Црквата произведуваат соларна енергија на лице место, вклучувајќи ги просториите за средби, храмовите, училиштата и магацини. Уште стотици други градби учествуваат во програмите управувани од комуналните претпријатија за плаќање на електрична енергија произведена од обновливи извори. Како дополнување, неколку простории за средби и храмови користат геотермална енергија за да го регулираат греењето и ладењето.
Подобрување на енергетската ефикасност. Години наназад оперирањето со високо ефикасните и добро изолирани простории е долгогодишна цел на Црквата. Неодамнешните подобрувања вклучуваат инсталација на ЛЕД сијалици за осветлување, паметна контрола за греење, ладење и наводнување, и складирање на батерии кога локалните електрични мрежи се несигурни.
Заштеда на водата според еколошките потреби и ресурси. Во регионите со ограничени водени ресурси, Црквата го редуцира користењето преку паметно контролирање на наводнувањето, намалување на недоволно искористените тревници и реновирање на имоти со други уредувања кои штедат вода (исто така познати како ксеричко уредување или суви градини) Во координација со јавните чинители, Црквата донираше и десетици илјади акции вода за да помогне да се заштити Големото Солт Лејк езеро во Јута, САД.
Намалување, повторна употреба и рециклирање на материјалниот отпад за да се избегне Црквата настојува да набави матерјали преку одржливи синџири за снабдување, како и да пренасочува што е можно повеќе отпад од депониите. Иницијативи кои привлекуваат внимание се следните:
- Сто проценти од сакраменталните чаши се направени од рециклирачка пластика и може да се рециклираат по службата онаму каде општините тоа го дозволуваат. Надворешните експерти одредуваат дека рециклираната пластика има најмало севкупно влијание дури и во споредба со чашите од хартија.
- Компаниите за печатење со седиште во САД имаат широки можности за рециклирање.
- Старата електроника се собира од црковните градби во САД и Канада, за да биде одговорно донирана или рециклирана.
- Ширум Латинска Америка, продавниците за црковната дистрибуција ги заменуваат пластичните кеси со оние за повеќекратна употреба.
- Перуанските печатарски компании се сертифицирани за употреба на дрво од одржлив извор.
- Во Бразил, младинските конференции почнуваат да набавуваат маици направени од рециклирана пластика.
Намалување на транспортни емисии. Црквата има усвоено високи стандарди за ефикасност на горивото за својата глобална флота возила, што ги користат управителите на објектите, мисионери и други работници. Места за безбедно оставање на велосипеди се обезбедени на избрани локации каде што бројот на членови кои користат велосипед го оправдува тоа. Станиците за полнење на електрични возила се инсталираат на неколку храмови и простории за средби каде што тие се локално одобрени или каде што станиците се сметаат за стратешка можност.
Практикување одржлив дизајн, развој и изградба на нашите простории. Додека Црквата гради прекрасни храмови и други објекти, внимава и на материјалите, изборот на локацијата и методите неопходни за поддршка на нивното долгорочно работење и одржување на еколошки одговорен начин Во некои рурални средини, одржување на одржливоста често вклучува користење на помали и полокализирани дизајни, што бараат помалку енергија.
Практикување одржливо земјоделство и сточарство на црковни фарми за благосостојба и инвестиции низ целиот свет Ова вклучува употреба на житни култури, ротација на културите, земјоделство без обработување и намалено обработување, управување со пасишта, прецизни технологии за намалување на водата, отпад хемикалии и други практики кои ја поддржуваат долгорочната продуктивност на земјиштето и помагаат да се намалат негативните влијанија врз животната средина.
Прилагодување на климатските ризици и подобрување на отпорноста, особено во спроведување на корисни хуманитарни проекти и стандарди за одржување на објектите. Зголемената фреквенција на екстремни временски настани несразмерно ги погодува сиромашните и ранливите популации кои немаат ресурси да се прилагодат на понестабилните услови или да закрепнат од долгорочна штета. Со децении, Црквата често учествуваше во проекти насочени кон разубавување и зајакнување на локалните заедници Овие проекти се движат од спонзорирање на урбани градини до намалување на ерозијата преку садење дрвја. Дополнително, во партнерство со признати невладини организации, Црквата дава значаен придонес во глобалните иницијативи за безбедност на храната, енергетска независност и пристап до чиста вода - сите од нив имаат важни еколошки аспекти.